Sad Shayari by Hasrat Jaipuri

Hum Raaton Ko Uth-Uth Ke Jinke Liye Rote Hain,
Voh Gair Ki Baahon Mein Aaram Se Sote Hain,

Hum Ashq Judai Ke Girne Hi Nahi Dete,
Bechain Si Palkon Mein Moti Se Pirote Hain,

Hota Chala Aaya Hai Bedard Zamaane Mein,
Sachaai Ki Raah Mein Kaante Sabhi Bote Hain,

Andaaz-E-Sitam Unka Dekhe Toh Koi,
Milne Ko Toh Milte Hai, Nashtar Se Chubhote Hain.

Hasrat Jaipuri