Kabhi Kabhi Bas Yu Hi

Kabhi Kabhi Bas Yu Hi,
Ye Dil Jab Tumhe Dhundne Nikalta Hai,
Tum Ek Chaw Bankar Chupke Se Aate Ho,
Mein Aankhen Band Karti Hu,
Aur Tum Bas Mujhe Chukar Nikal Jaate Ho,
Kabhi Kabhi Bas Yu Hi,
Ye Dil Jab Sang Parchaiyon Ke Chalta Hai,
Tum Har Mod Par Khade Najar Aate Ho,
Main Chah Kar Bhi Nahi Ruk Pati Hu,
Aur Tum Haath Hilate Huye Dur Nikal Jaate Ho,
Kabhi Kabhi Bas Yu Hi,
Jab Badal Aankhon Mein Ruk Jate Hai,
Tum Banke Ahsas Unhe Uda Le Jate Ho,
Main Kahin Ro Na Du Tanhai Mein,
Tum Meri Palko Ko Bas Chum Kar Nikal Jate Ho,
Kabhi Kabhi Bas Yu Hi,
Jab Bechaniyan Hoti Hai Yaadon Mein,
Tum Ahsas Bankar Simat Aate Ho,
Laate Ho Neend Ko Ungli Thame Mere Paas Tum,
Bhej Kar Mujjhe Sapno Ki Duniya Mein Dur Kahin Tum Nikal Jaate Ho...